موضوع: رافض(قصيدة عاميه) الثلاثاء 22 يناير 2008 - 21:20
رافض من جوايا اكونلك
ساخط متمرد ع الوضع
بستهجن وبعزم ما فيا
اى محاولة لرأب الصدع
بعلن كامل استنكارى
رافض حبك الاستعمارى
لمشاعرى وقلبى و افكارى
ورجوعك مرفوض بالطبع
مش هسمع من تانى دفاعك
حق الرد مهوش مكفول
ولا ممكن اصدق اوجاعك
وسياسة( اتمسكن انول)
اتحررت خلاص من حبك
مش مسموح انى ارجع جنبك
والمعبر من قلبى لقلبك
بقرار منى خلاص مقفول
وهقاومك وعزابى سلاحى
لو مثلتى عليا الحب
وانتفضاتى حجرها جراحى
و بلاش تعملى عندك قلب
لو تَــُعلن عقوبات دوليه
على رفضى لرجوعك ليا
هاختار انى افضل وحديا
لو هاتحاكم مجرم حرب
واتمنى تعجبكم
افندينا مدير
عدد الرسائل : 10 العمر : 45 الموقع : https://mazagngy.yoo7.com المزاج : عامل دماغ عالية موووووووووووت تاريخ التسجيل : 24/10/2007
موضوع: رد: رافض(قصيدة عاميه) الثلاثاء 22 يناير 2008 - 21:39
من غير مجاملة القصيدة جامده جامده جامده جامده ومش محتاجة كلام ومافيش كلام او اختلاف عليها وشرف لينا انك تنزلها هنا قبل اى مكان ومش رد لجميل ولا حاجة القصيدة مثبتة لانها بمنتهى البساطة مغنية نفسها وملحنة نفسها تسلم ايدك يانجم
a3arfak_nfsi
عدد الرسائل : 3 تاريخ التسجيل : 16/11/2007
موضوع: رد: رافض(قصيدة عاميه) الأربعاء 23 يناير 2008 - 2:14
جااااااااااااااااااااااااااااااااامده جااااااااااااااااااااامده والله انها من اروع ماقيرت في حياتي الفاظ جديده وكلام جديد والله مالهاش حل يازيزو ربنا يحمييييييييييييييييييييييييييك
noor
عدد الرسائل : 13 العمر : 36 الموقع : www.mazagngy.yoo7.com المزاج : 3aaaaaaaale تاريخ التسجيل : 24/12/2007
موضوع: رد: رافض(قصيدة عاميه) الأربعاء 23 يناير 2008 - 15:42
كلام جامد جامد جامد مووووووت يا زيزو (بجد جامد)كنت مخبى الكلام ده فين يا راجل انت مش محتاج تعليق من حد ولا اى ردود لان كلامك مفيهوش كلام يا رب يوفقك ويوفقنا كلنا ياااااااااااااااااااا رب
سرور
عدد الرسائل : 3 تاريخ التسجيل : 24/12/2007
موضوع: رد: رافض(قصيدة عاميه) السبت 22 مارس 2008 - 1:04
زيزو اسمك وحده كفايه بجد شاعر بكل معني كلمه شاعر وزجال استاز والله يازيزو